Казанлылар «Шәһәрле-галим» лабораториясенең чираттагы дәресендә һаваның сыйфатын тикшерәләр

«Сула, Казан» проекты активистлары заманча датчиклар һәм газоанализаторларның ничек оештырылуы турында сөйләячәкләр.

Фото: Денис Гордийко

(Казан шәһәре KZN.RU, 8 нче август). «Шәһәрле-галим» шәһәр лабораториясенең чираттагы мастер-классында казанлылар һаваның сыйфатын тикшерә алачак. Дәреснең теоретик өлешен «Сула, Казан» проекты активистлары үткәрәчәк.

Мастер-класста катнашучылар һаваны үлчәү өчен заманча датчиклар һәм газоанализаторларның ничек урнаштырылганын, елга буенда һаваның сыйфаты ни рәвешле анализланганын һәм үз районыңда пычракны нинди космик билгеләр буенча ачыкларга мөмкин икәнлеген беләчәкләр.

Чарага керү алдан теркәлү буенча башкарыла. Дәрес 9 нчы августта 18:00 сәгатьтә башлана.

Очрашу урыны – «Урам» экстрим-паркы янындагы футбол кырлары, дип хәбәр ителә «Казансуны үстерү стратегиясе» проектының Telegram-каналында.

Исегезгә төшерәбез, элегрәк лабораторияне оештыручылар open callны шәһәр өчен файдалы булырга мөмкин булган экологик һәм мәдәни проектлар булдыру буенча игълан иткән иде. Үз идеяләрегезне 12 нче августка кадәр җибәрергә мөмкин.

«Шәһәрле-галим» шәһәр лабораториясе Казан Мэриясе, «Казансуны үстерү стратегиясе» проекты командасы, ТР шәһәрләрен үстерү институты һәм Казан парклары һәм скверлары дирекциясе тарафыннан уздырыла. Лаборатория дәресләре 14 нче августка кадәр барачак. Очрашуларның күбесендә катнашкан кешеләргә курсны тәмамлаучы дипломы биреләчәк.

Шулай ук укыгыз

Барлык яңалыклар