Казанлылар 20 июньгә кадәр төзекләндереләчәк парклар һәм скверлар өчен тавыш бирә ала

Нәтиҗәләр 1 июльдә чыгарыла.

(Казан шәһәре KZN.RU, 4-нче июнь). 2019-2022 елларда республика программасы буенча төзекләндереләчәк җәмәгать киңлекләре өчен республикакүләм онлайн-сораштыру 20 июньгә кадәр озынайтылды. Онлайн-сораштыруны ТР дәүләт хезмәтләре порталында һәм “ТР хезмәтләре” мобиль кушымтасында үтәргә мөмкин.

Нәтиҗәләр 1 июльдә чыгарылачак. Тавыш бирү тәмамлангач, Татарстанда яшәүчеләр кайсы территорияләрне өстенрәк санавы билгеле булачак – алар 2019 елда төзекләндереләчәк объектлар исемлегенә кертелә. Калган җәмәгать киңлекләре 2020-2022 елларга бүленәчәк.

Искәртергә кирәк, төзекләндерү өчен объектлар исемлегенә 216 объект кертелгән. Татарстанлылар әлеге исемлектән сайлый, яисә үз вариантын тәкъдим итә ала. Бүгенге көндә тавыш бирүдә 150 мең татарстанлы катнашкан.

Шулай ук укыгыз

Барлык яңалыклар