Казанлылар Мәскәүгә бару өчен ике катлы поездларны ешрак сайлыйлар

Казанлылар Мәскәүгә бару өчен ике катлы поездларны ешрак сайлыйлар

<p> (Казан шәһәре KZN.RU, 23-нче гыйнвар). Мәскәү - Казан - Мәскәү маршруты буенча 2018 елда ике катлы поездлардан 385 меңнән артык пассажир файдаланган. 2017 ел белән чагыштырганда, Казаннан Россия башкаласына кадәр ике катлы поездларда пассажирлар йөртү 5,3% артты, дип хәбәр итә ТР Транспорт һәм юл хуҗалыгы министрлыгы матбугат хезмәте.<br> </p> <p> Ике катлы поезд бер рейс эчендә гадәти күчмә состав белән чагыштырганда 2 тапкырга күбрәк пассажир йөртергә мөмкинлек бирә. Һәр вагон мөмкинлекләре чикләнгән кешеләр өчен җайлаштырылган. Мәйданы арттырылган махсус купелары булган штаб вагоннарында күтәрү һәм башка кирәкле җайланмалар бар, барлык мәгълүмат Брайль әлифбасы белән тулыландырылган. </p> <p> Исегезгә төшерәбез, ТР башкаласы һәм Мәскәү арасындагы ике катлы поездлар 2015 елның җәеннән йөри башлады. </p>

2019-01-23T11:48:03+0300