Иртәгә Казанда +12 градуска кадәр җылыта

Республиканың кайбер районнарында 15 градуска кадәр җылы һава торышы көтелә

Денис Гордийко фотосы

Иртәгә, 28 мартта, Татарстан Республикасы башкаласында аязучан болытлы һава торышы көтелә, явым-төшемсез. Җил – көнчыгыштан, төньяк-көнчыгыштан исәчәк җилнең тизлеге секундына 3–8 метр булачак. Төнлә термометр баганалары – 0..+2, түбән урыннарда -2 градусны күрсәтәчәк. Көндез һава температурасы +10..+12 градуска кадәр җылыта. Кайбер урыннарда бозлавык саклана.

Татарстанда иртәгә шулай ук аязучан болытлы һава торышы көтелә, явым-төшемсез. Иртән һәм көндез томан булуы ихтимал. Көнчыгыш, төньяк-көнчыгыш җилләренең тизлеге секундына 3–8 метрга җитәргә мөмкин. Һаваның түбән температурасы +3..-2 градус булачак, урыны белән -5 градуска кадәр суыта. Көндез термометр баганалары +8..+13 градуска югары күтәрелә. Кайбер урыннарда бозлавык саклана.

Якшәмбе көнне, 29 мартта, һава торышы сизелерлек үзгәрмәячәк, урыны белән бераз яңгыр яварга мөмкин. Җил – төньяк-көнчыгыштан, көнчыгыш җиленең тизлеге секундына 3–8 метр булачак. Төнлә һава температурасы -3..+2 градус булыр дип көтелә. Көндез – +6..+11, урыны белән +15 градуска кадәр җылыта.

Татарстан Гидрометеорология үзәге мәгълүматлары буенча, киләсе атна башында республикада алмашынучан болытлы һава торышы көтелә. Төнлә термометр баганасы – -3..+2, көндез +9..+14 градус күрсәтәчәк. Төнлә һәм иртән кайбер урыннарда бозлавык булырга мөмкин.

Шулай ук укыгыз

Барлык яңалыклар