Яңалыклар
02.10.2018, 16:02
Казанлыларны йортсыз хайваннарга булышырга чакыралар
Теләге булган һәркем дә әлеге акциягә кушыла ала.
(Казан шәһәре KZN.RU, 2-нче октябрь). 6-нчы октябрь көнне Казанда йортсыз хайваннарга ярдәм йөзеннән хәйрия акциясе узачак. Теләге булган һәркем дә әлеге акциягә кушыла һәм "Помоги дворняге” фондына ярдәм күрсәтә ала, әлеге фонд карамагында 100-дән артык эт һәм 20-дән артык мәче бар.
Йортсыз хайваннарга ярдәм итәргә теләге булган кешеләр алар өчен махсус ризыклар, медицина һәм төзелеш перчаткалары, консервалар, төрле ярмалар (карабодай, дөге, геркулес), уенчыклар, мискалар, ләгән һәм чиләкләр алып килә ала.
Ярдәм “Метро” сәүдә үзәгендә (Вахитов ур., 4), “Мега” сәүдә үзәгендә һәм “Парк Хаус” сәүдә үзәгендә кабул ителәчәк. Әйберләрне 13.00 сәгатьтән 15.00 сәгатькә кадәр алып килергә мөмкин, дип хәбәр итә оештыручылар.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
