Казанлыларны көзге үзиреклеләр сменасында катнашырга чакыралар

Казанлыларны көзге үзиреклеләр сменасында катнашырга чакыралар

<p> <img width="870" src="https://www.kzn.ru/upload/iblock/55c/DEN_8227-_3_.jpg" height="652"><br> </p> <p> (Казан шәһәре KZN.RU, 11-нче октябрь). Казанлыларны 19-23-нче октябрь көннәрендә Лаеш районының Петровский бистәсендә узачак көзге үзиреклеләр (волонтерлык) сменасында катнашырга чакыралар. Программада – мастер-класслар, мәгариф мәйданчыклары эше, кызыклы очрашулар һәм башкалар. </p> <p> Смена «Татарстан үзиреклесе - 2019» республика конкурсына багышланган. Конкурста катнашучылардан тыш, аңа 12 яшьтән узган волонтерлар, үзиреклеләр хәрәкәтләре һәм оешмалары активистлары, мәктәп һәм студентлар волонтерлык отрядлары җитәкчеләре, шулай ук республиканың яшьләр һәм балалар берләшмәләре активистлары да кушыла ала. </p> <p> Сменада белем бирү мәйданчыклары эше оештырылачак, анда һәр катнашучы белгечләр белән фикер алыша, яңа проектлар төзергә өйрәнә алачак. Моннан тыш, катнашучылар өчен тренинглар һәм мастер-класслар уздырылачак, шулай ук эчтәлекле мәдәни программа әзерләячәкләр, дип хәбәр итә ТР Яшьләр эшләре министрлыгы. </p> <p> Сменада катнашу өчен электрон гаризалар 16-нчы октябрьгә кадәр кабул ителә, тулырак мәгълүматны чараны үткәрү турындагы нигезләмәдә укырга мөмкин. </p>

2019-10-11T15:35:22+0300