Казанлыларны «Безнең ишегалды» программасы командасы белән территорияләрне төзекләндерү турында фикер алышырга чакыралар

Архитекторлар яңартуның якынча схемаларын тәкъдим итәчәкләр һәм шәһәр халкының сорауларына җавап бирәчәкләр

Фото: Денис Гордийко

(Казан шәһәре KZN.RU, 4 нче октябрь). Бу атнада «Безнең ишегалды» республика программасы командасы казанлылар белән очрашачак. Җыелышта 2024 елда яңартылачак йорт яны территорияләрен төзекләндерү турында фикер алышачаклар.

Казанлыларга программа принциплары, мәҗбүри эш төрләре һәм аларны гамәлгә ашыру вакыты турында сөйләячәкләр. Шулай ук архитекторлар тәкъдимнәр кертәчәк – төзекләндерүнең беренчел схемасын тәкъдим итәчәкләр, әгәр аның белән халыкның өчтән ике өлеше ризалашса, аны эшләтеп җибәрәчәкләр.

Очрашу нәтиҗәле үтсен өчен, чек-лист белән алдан танышырга мөмкин.

Беренче җыелыш бүген 18:45 сәгатьтә Академик Королев урамындагы 32 нче йорт ишегалдында узачак. Очрашуларның тулы расписаниесе «Безнең ишегалды» программасының Telegram-каналында басылып чыкты.

Исегезгә төшерәбез, быел Казанда 473 күп фатирлы йортның территориясен яңартачаклар, асфальтны ремонтлау мәйданы 530 мең кв.метрдан артып китә. Мәскәү районындагы бер ишегалды начар күрүче шәһәр халкының ихтыяҗларын исәпкә алып төзекләндерелде – биредә әйләнмәле тротуар салынды, куркынычсыз йөрү өчен коймалар һәм ишегалдының интерактив мнемосхемасы урнаштырылды.

Шулай ук укыгыз

Барлык яңалыклар