Казанлыларны кышкы орнитологик экскурсияләр сериясенә чакыралар

Казанлыларны кышкы орнитологик экскурсияләр сериясенә чакыралар

<p> Казанда кышкы орнитологик экскурсияләр сериясе узачак. Аларны фотограф-натуралист һәм орнитолог Сергей Неклюдов үткәрәчәк, дип хәбәр иттеләр парклар һәм скверлар дирекциясендә. </p> <p> Очрашуларда сәфәрдә катнашучылар кошлар белән танышачак, аларның каурыйлары ничек үзгәрүен һәм кошларга елның салкын фасылын кичерергә ничек ярдәм итәргә икәнен беләчәк. Орнитолог шулай ук ни өчен кайбер кошларның көньякка очып китүен, ә башкаларының – монда кышлавын сөйләячәк. </p> <p> Беренче экскурсияне 22 декабрьдә Урицкий исемендәге паркта оештырачаклар. Катнашучыларның орнитолог белән очрашуы «Мәскәү» мәдәни үзәге янындагы пирста булачак. </p> <p> Киләсе очрашу 5 гыйнварда Горький исемендәге паркта узачак. Соңгы ике сәфәрне февральдә – 2 се көнне Рус-Алман Швейцариясендә һәм 16 сы көнне Горки-Әмәт урманында оештыралар. </p> <p> Катнашу өчен <a target="_blank" href="https://parkikazani.timepad.ru/event/3169948/">сылтама</a> буенча теркәлү узарга кирәк. Барлык экскурсияләр 9:00 сәгатьтә башлана. </p> <p> Оештыручылар җылы киенеп һәм бинокльләр алып килергә киңәш итә. </p>

2024-12-20T14:28:00+0300