Яңалыклар
22.10.2019, 16:33
Казанлыларны шәһәрнең тәңгәллек моделен тәкъдир итүгә чакыралар
Шәһәрлеләргә Казанны башка шәһәрләрдән нәрсә аеруы һәм моның шәһәрнең эмоциональ кабул ителешендә ничек чагылыш табуы турында сөйләячәкләр.
(Казан шәһәре KZN.RU, 22-нче октябрь). 28-нче октябрьдә «Смена» Заманча күңел ачу үзәгендә «Казан. Тәңгәллек моделе» тикшеренүе нәтиҗәләренең ачык презентациясе узачак, ул «Казан тарихи җирлегенең тотрыклы үсеше концепциясе» проекты кысаларында узды. Шәһәрлеләргә шәһәр образын нинди вакыйгалар формалаштыруы, Казанны башка шәһәрләрдән нәрсә аеруы һәм моның заманча киңлектә һәм шәһәрне эмоциональ яктан кабул итүдә ничек чагылыш табуы турында сөйләячәкләр.
Ел башыннан бирле Казан тикшеренүчеләре төркеме түбәндәге сорауларга җаваплар эзләделәр: Казан нәрсә ул, шәһәр халкы аны ничек күрә һәм ни өчен ул шундый. Тикшеренүләрнең беренче этабы шәһәрнең тарихи-мәдәни мәгънәләрен һәм аның уникаль тарихи сыйфатларын «күрү»не билгеләү алымнарына багышланган иде. Тикшеренүләрнең икенче этабы шәһәрнең хәзерге яшәешенә багышланачак. Тикшеренүчеләр түбәндәге сорауларга җавап табачак: шәһәрдә киләчәк үсеш өчен нәрсәне саклап калу мөһим, шәһәрлеләрне Казанда нәрсә рухландыра һәм алар аны нинди итеп күрергә телиләр.
Тикшеренү нәтиҗәләрен тәкъдир иткәннән соң фикер алышу башланачак, аның барышында тикшеренүчеләр һәм чарада катнашучылар эшнең икенче этабын проектлаячаклар.
Чарада креатив бизнес һәм шәһәр җәмәгатьчелеге вәкилләре, шәһәр тарихын, мәдәниятен һәм хәзергесен яратучылар, бизнес вәкилләре һәм барлык теләүчеләр катнаша ала.
Презентация 19.00 сәгатьтә башлана, дип хәбәр итә оештыручылар.
Шулай ук укыгыз
-
29.04.2025, 17:56 -
29.04.2025, 17:11 -
29.04.2025, 16:43 -
29.04.2025, 16:02
