Казанлыларны туңдырма фестиваленә чакыралар

Яр буе пирсында туңдырма дегустациясе оештырылачак.

(Казан шәһәре KZN.RU, 10-нчы июнь). 20-23 июньдә Казанның Кремль яр буенда туңдырма фестивале узачак - шәһәрлеләргә гадәти булмаган тәм-томнар тәкъдим ителәчәк.

Туңдырма дегустациясе яр буе пирсында оештырыла. Бәйрәм кунаклары Италиянең джелато, Таиландның кыздырылган туңдырмасы, кәҗә сөтеннән ясалган туңдырма, япон моджие, өлкәннәр өчен туңдырма һәм әлеге тәмләткечнең башка күп кенә төрләре белән таныша алачак.

Биредә үк балалар һәм өлкәннәр өчен аш-су мастер-класслары, ярышлар, шулай ук күңел ачу тамаша-программасы узачак: артистлар чыгышы, бию чаралары, балалар дискотекасы, дип хәбәр итә Кремль яр буе территориаль идарәсенең пиар-бүлеге.

Шулай ук укыгыз

Барлык яңалыклар