Казанлыларны көнкүреш тонометрларын бушлай тикшерергә чакыралар

Узган елгы акция нәтиҗәләре буенча җиһазларның 10% файдалануга яраксыз дип табылган.

(Казан шәһәре KZN.RU, 7-нче февраль). 11 февральдә казанлыларга "Будь уверен! Будь здоров!" Бөтенроссия социаль акциясенә кушылырга һәм артериаль кан басымын үлчи торган көнкүреш тонометрларының төзеклеген бушлай тикшерергә тәкъдим итәләр .

Росстандарт Россия халкына йөрәк-кан тамырлары авыруларын кисәтү өчен күрсәтмәләрнең төгәллегенә көнкүреш тонометрларын даими тикшерүнең мөһимлеген җиткерү максаты белән акция уздыра. Чара көнендә Росстандарт сынау үзәкләренең метролог-белгечләр приборларны бушлай тикшерәчәк, шулай ук җитешсезлекләрне бетерү буенча киңәшләр бирәчәк.

Узган ел проект беренче тапкыр Себер, Ерак Көнчыгыш һәм Урал федераль округларында узды. Ул вакытта белгечләр 3 меңгә якын көнкүреш тонометрын тикшергән, аларның 10% файдалануга яраксыз дип табылган. Шунысын да билгеләп үтәргә кирәк, тонометр күрсәткечләренең дөрес булмавының бер сәбәбе - җиңсәләрнең һәм тоташтыру элементларының бөтенлеге бозылу.

Хәйрия акциясе 11 февральдә 9.00 сәгатьтән 17.00 сәгатькә кадәр Татарстан стандартлаштыру, метрология үзәге конференц-залында түбәндәге адрес буенча узачак: Журналистлар ур., 24.

Шулай ук укыгыз

Барлык яңалыклар