Казанлыларга сыйфатсыз товарлар һәм хезмәтләр сатып алган очрактагы хокуклары турында сөйләячәкләр

Чарада ТКХ хезмәтләреннән файдаланганда кулланучылар хокукларын яклау мәсьәләләре дә кузгатылачак.

(Казан шәһәре KZN.RU, 10-нчы март). 16-нчы мартта «Игелекле эшләр көне» фондында кулланучылар хокукларын яклау мәсьәләләре буенча лекция узачак. Чараны этил спирты, алкоголь продукциясе җитештерүне, аларның әйләнешен һәм сыйфатын дәүләт тикшереп торуын тәэмин итү һәм кулланучылар хокукларын яклау буенча ТР Дәүләт инспекциясе белгечләре үткәрәчәк.

Лекциядә катнашучылар, сатып алынган кием-салым, аяк киеме, көнкүреш техника яки күрсәтелгән хезмәт сыйфатсыз булып чыккан очракта, акчаны ничек кайтарырга кирәклеген беләчәкләр, мондый товарлар һәм хезмәтләр сатып алганда шикаятьне дөрес төзергә өйрәнәчәкләр. Шулай ук ТКХ хезмәтләреннән файдаланганда кулланучылар хокукларын яклау мәсьәләләре дә кузгатылачак.

Лекция 13.00 сәгатьтән 14.00 сәгатькә кадәр «Игелекле эшләр көне» фондында түбәндәге адрес буенча узачак: Калинин ур., 3 йорт («Яхшы куллар» хәйрия склады). Лекциядә катнашу өчен алдан түбәндәге телефон аша язылырга кирәк: +7(843) 236-65-61.

Шулай ук укыгыз

Барлык яңалыклар