Казанлыларга грипп профилактикасы турында сөйләячәкләр

Шәһәрлеләрнең сорауларына ТР буенча Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәте белгечләре җавап бирәчәк.

(Казан шәһәре KZN.RU, 1-нче октябрь). Казанда гриппка каршы профилактика мәсьәләләре буенча кайнар линия эшли башлады. Шәһәрлеләрнең сорауларына ТР Россия кулланучылар хокукларын яклау һәм кеше иминлеге өлкәләрендә күзәтчелек федераль хезмәте идарәсе белгечләре җавап бирәчәк.

Ведомство хезмәткәрләре прививканы кайда ясатырга, вакцинациягә ничек әзерләнергә, гриппка каршы прививканы башка прививкалар белән бергә кушарга мөмкинме, шулай ук ата-аналар өчен салкын тиюдән балаларны ничек сакларга кирәклеге турында киңәшләр бирәчәкләр, битлекләрне куллану кагыйдәләре һәм йогышлы авыруларны профилактикалауның башка чаралары турында сөйләячәкләр.

Белгечләр гриппка каршы вакцинация грипп белән авыру ихтималын киметә, авыр өзлегүләрне булдырмый кала һәм эпидемия күтәрелеше чорында тормыш сыйфатын арттыра, дип искәртә. Үз-үзләрен грипптан өлкән яшьтәге кешеләргә, кечкенә балаларга, йөкле хатын-кызларга, хроник авырулардан интегүчеләргә (астма, диабет, йөрәк-кан тамырлары авырулары) һәм зәгыйфь иммунитетлы кешеләргә саклау аеруча мөһим.

Кайнар линиягә түбәндәге телефоннар аша мөрәҗәгать итәргә мөмкин: (843) 238-52-11, 238-96-84 эш көннәрендә 9.00 сәгатьтән 17.00 сәгатьә кадәр, дип хәбәр итә Роспотребнадзорның ТР буенча идарәсе матбугат хезмәте.

Шулай ук укыгыз

Барлык яңалыклар