Казанлыларга гепатитларны профилактикалау турында сөйләячәкләр

Бүген Татарстанда гепатитларны профилактикалау мәсьәләләре буенча кайнар линия старт ала.

(Казан шәһәре KZN.RU, 23-нче июль). Бүген Татарстанда гепатитларны профилактикалау мәсьәләләре буенча кайнар линия старт ала. Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе белгеч-эпидемиологлары шәһәрлеләрне кызыксындырган барлык сорауларга җавап бирәчәкләр, үзләрен һәм балаларын вируслы гепатитлардан ничек сакларга кирәклеге турында киңәшләр бирәчәкләр.

Консультация алу өчен түбәндәге телефоннар аша мөрәҗәгать итәргә була: (843) 238-52-11, 238-96-84 эш көннәрендә 9.00 сәгатьтән 17.00 сәгатькә кадәр. Кайнар линия телефоннары 26-нчы июльгә кадәр эшләячәк.

Бөтендөнья сәламәтлек саклау оешмасы мәгълүматларына караганда, дөньяда ел саен А вируслы гепатиты белән авыруның 1,4 миллионнан артык очрагы теркәлә, якынча 325 миллион кеше В гепатит вирусы яки С гепатит вирусы белән килеп чыккан хроник инфекция белән яши, дип хәбәр итә ведомствоның матбугат хезмәте.

Шулай ук укыгыз

Барлык яңалыклар