Казанлыларга парфюмерия-косметика продукциясенең сыйфаты һәм куркынычсызлыгы турында сөйләячәкләр

Шәһәрлеләрнең сорауларына Россия Кулланучылар федераль күзәтчелегенең ТР буенча идарәсе хезмәткәрләре җавап бирәчәк.

Фото: Марат Мөгыйнов

(Казан шәһәре KZN.RU, 3 нче февраль). Татарстанда парфюмерия-косметика продукциясенең сыйфаты һәм куркынычсызлыгы мәсьәләләре буенча кайнар линия эшли башлаячак. Шәһәрлеләргә Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе белгечләре консультация бирәчәк.

Кайнар линия 7-18 нче февральнең эш көннәрендә 10:00 сәгатьтән 16:00 сәгатькә кадәр эшләячәк. Сорауларны +7(843)273-76-72 (коммуналь гигиена буенча күзәтчелек бүлеге), +7(917)224-87-94 (кулланучылар хокукларын яклау бүлеге) телефоннары аша бирергә мөмкин булачак.

Продукциягә куела торган норматив таләпләргә кагылышлы сораулар кабул ителә. Шәһәрлеләргә товарларны сайлау буенча практик киңәшләр бирәчәкләр, кибеттә сыйфатсыз товар табылган очракта нишләргә кирәклеге турында сөйләячәкләр һәм кире кайтаруны ничек рәсмиләштерергә икәнлеген аңлатачаклар. Моннан тыш, кулланучылар парфюмерия-косметика товарларын маркировкалау турында белә алачак, дип хәбәр итә ведомствоның матбугат хезмәте.

Парфюмерия-косметика продукциясе турындагы мәгълүматны шулай ук Кулланучылар хокукларын яклау өлкәсендә дәүләт мәгълүмат ресурсы битләрендә дә
өйрәнергә мөмкин.

Шулай ук укыгыз

Барлык яңалыклар