Казанлыларга булачак Спорт паркы территориясен төзекләндерү турында сөйләячәкләр

Проектны шәһәр халкына Казансу яры буйлап экскурсияләрдә архитекторлар һәм экологлар тәкъдир итәчәк.

Фото: Денис Гордийко

(Казан шәһәре KZN.RU, 14-нче декабрь). 19-нчы декабрьдә казанлылар булачак Спорт паркы территориясе буйлап экскурсиягә кушыла алачак. Анда җәмәгать киңлеген булдыру концепциясе авторлары, экологлар һәм шәһәрнең спорт бергәлекләре вәкилләре катнашачак.

«Архитектура десанты» бюросы вәкилләре казанлыларга парк территориясе ничек үзгәрәчәге һәм 2022 елда анда нинди функциональ зоналар барлыкка киләчәге турында сөйләячәкләр. Экскурсиядә катнашучылар территориянең генпланын һәм проектның визуализация кадрларын өйрәнә, шулай ук белгечләргә сораулар бирә алачаклар, дип хәбәр итә Казанның Парклар һәм скверлар дирекциясе.

Прогулка 11:00 сәгатьтә «Ак Барс Арена» һәм Су спорт төрләре сарае арасындагы мәйданчыктан башланачак. Катнашу өчен сылтама буенча теркәлергә кирәк. Теләүчеләр турыдан-туры трансляциягә кушыла алачак.

Исегезгә төшерәбез, Спорт паркы Казансу үсеше стратегиясенә кергән 12 яңа җәмәгать киңлегенең берсе булачак. Моннан тыш, нәкъ менә әлеге парк 2022 елда шәһәр территориясендә төзекләндерү планлаштырыла торган җәмәгать киңлекләрен сайлау буенча тавыш бирүдә җиңүче булды.

Шулай ук укыгыз

Барлык яңалыклар