Казанлыларга Александр Пушкинның шәһәрдә өч көн булуы турында җентекләп сөйләячәкләр

Иртәгә ТР башкаласында беренче тапкыр «Поисковик» тарихи-архив клубы утырышы узачак

Фото: Денис Гордийко

(Казан шәһәре KZN.RU, 27 нче сентябрь). Иртәгә, 28 нче сентябрьдә, 16:00 сәгатьтә Казанда беренче тапкыр «Поисковик» тарихи-архив клубы утырышы узачак, ул рус шагыйре Александр Пушкинның 1833 елда шәһәрдә булуына багышланачак. Чарада спикерлар шагыйрьнең өч көнлек кыска сәяхәт вакытында кем белән очрашканын, кайларда булуын сөйләячәкләр.

Тема Александр Пушкинның Казанда булуына 190 ел тулу уңаеннан сайланган. Шагыйрь шәһәрдә 5-8 нче сентябрьдә була. Биредә ул «Капитан кызы» повесте өчен Емельян Пугачев восстаниесе тарихы буенча материаллар җыя.

«Поисковик» очрашуы шәһәр Башкарма комитеты Аппаратының Муниципаль архив идарәсендә Сигезенче Март урамы, 5а адресы буенча узачак.

Спикерлар булып тарихчы-туган якны өйрәнүче, Россия Язучылар берлеге әгъзасы Анатолий Елдашев һәм Мәскәү туризм һәм туган якны өйрәнү академиясе профессоры, «Простор» балалар һәм яшүсмерләр туризмы һәм экскурсияләр йортының балалар әдәбияты музее җитәкчесе Фәридә Сәлимова чыгыш ясаячак.

«Поисковик» шәһәрнең тарихын һәм мәдәниятен өйрәнү өчен төзелгән. Клуб архив материалларына юлны ныграк ачуга, шулай ук шәһәр халкының игътибарын Казанның үткәненә җәлеп итүгә юнәлдерелгән.

Шулай ук укыгыз

Барлык яңалыклар