Казанлыларга Вахитов районы предприятиеләрендә эш урыннары тәкъдим итәчәкләр

Эш белән тәэмин итү үзәге белгечләре хезмәт законнары һәм дәүләт гарантияләре буенча консультация бирәчәк.

Фото: Марат Мөгыйнов

(Казан шәһәре KZN.RU, 11 нче октябрь). 20 нче октябрьдә Казанның Вахитов районы буенча Халыкны эш белән тәэмин итү үзәге филиалында вакантлы эш урыннары ярминкәсе узачак.

Биредә яшәүчеләр буш эш урыннары турында белә, эшкә урнашуда ярдәм ала, хезмәт законнары һәм дәүләт гарантияләре мәсьәләләре буенча консультация ала алачаклар.

Вакантлы эш урыннары ярминкәсе Качалов ур., 77 адресы буенча 9:00-11:00 сәгатьтә була. Тулырак мәгълүматны +7(843)277-40-51 телефоны аша белергә мөмкин, дип хәбәр иттеләр Халыкны эш белән тәэмин итү үзәгенең матбугат хезмәтендә.

Шулай ук укыгыз

Барлык яңалыклар