Казанлыларга велостанцияләрне җиһазландыру өчен урыннар сайларга тәкъдим итәләр

Сораштыруда барлык теләүчеләр катнаша ала.

(Казан шәһәре KZN.RU, 3-нче март). Казанлылар ачык сораштыруда катнашып, шәһәрдә велостанцияләрне җиһазландыру өчен урыннар сайлый ала.

Казанда велошеринг проектын үстерү планлаштырыла, ул шәһәр халкына үз-үзләренә мөстәкыйль хезмәт күрсәтә торган теләсә кайсы велосипед станциясендә велосипед алырга һәм аны системаның хезмәт күрсәтү зонасында урнашкан теләсә кайсы башка велосипед станциясенә кайтарырга мөмкинлек бирә.

Хәзер велостанцияләр урнашу урыннарының төрле вариантлары карала, дип хәбәр ителә Казанның транспорт сайтында. Әйтик, велосипедларны прокатка алу мәйданчыкларын метро станцияләре янында, паркларда һәм скверларда, шәһәрнең үзәк өлешендә, торак микрорайоннарда, югары уку йортлары биналары янында оештырырга тәкъдим ителә. Конкрет мәйданчыкларны сайлап алганда һәм велостанцияләрнең урнашу схемасын эшләгәндә шәһәр халкының фикерләре һәм теләкләре исәпкә алыначак.

Сораштыруда сайтта яки социаль челтәрләрдә Транспорт комитетының рәсми төркемендә катнашырга мөмкин. Шәһәрлеләр үз тәкъдимнәрен Транспорт комитетының kt.kazan@tatar.ru электрон почтасына, почта адресына җибәрә: Островский ур., 23/1 яки телефон буенча мөрәҗәгать итә алалар: +7(843) 292-58-84.

Шулай ук укыгыз

Барлык яңалыклар