Казанлыларга ВИЧка түләүсез аноним экспресс-тест узарга тәкъдим итәләр

Казанда август ахырында «Җиңү өчен тест. Test to win» акциясе узачак.

(Казан шәһәре KZN.RU, 20-нче август). 21-нче августтан 30-нчы августка кадәр Казанда ВИЧ-инфекцияне профилактикалау буенча «Җиңү өчен тест. Test to win» акциясе узачак. Махсус җиһазландырылган чатырда һәм Бауман урамында урнашачак күчмә мобиль комплекста казанлылар түләүсез, аноним рәвештә һәм документларсыз ВИЧка экспресс-тест уза алачак.

Акциядә катнашучылар табиблар белән киңәшләшү, шулай ук төрле активлыкларга кушылу мөмкинлеге алачак. Шулай итеп, килүчеләр өчен тематик фотозона, конференц-зона эшләячәк. Көн саен социаль компетенцияләрне үстерү буенча чаралар үткәреләчәк: мастер-класслардан алып актуаль темалар буенча очрашуларга һәм дискуссияләргә кадәр.

Программада шоу-бизнес вәкилләре, сәясәтчеләр һәм спортчылар белән очрашулар планлаштырылган. Казанлылар шәхси үсеш, социаль медиа үсеш, заманча этикет, тайм-менеджмент һәм сәламәт яшәү рәвеше турында күп кенә яңалыклар белә алачак. Чаралар җәдвәле белән сылтама буенча танышырга мөмкин.

Павильон килүчеләр өчен 21-нче августтан 30-нчы августка кадәр көн саен 13.00 сәгатьтән 21.00 сәгатькә кадәр ачык булачак, дип хәбәр итә ТР Сәламәтлек саклау министрлыгының матбугат хезмәте.

Шулай ук укыгыз

Барлык яңалыклар