Казанлыларга Горький паркында «Сарафан» арт-объектын төзүдә катнашырга тәкъдим итәләр

Теләүчеләр иске тукымалар, яулыклар, пледлар, күлмәкләр, бәйләнгән оекбашлар һәм бияләйләр китерә ала.

Фото: Марат Мөгыйнов

(Казан шәһәре KZN.RU, 3 нче февраль). 4 нче февральдә ТР башкаласында яңа «Сарафан» арт-объекты өчен тукымалар җыя башлыйлар, объект Май чабу бәйрәмендә Горький паркында барлыкка киләчәк.

Шәһәрнең Парклар һәм скверлар дирекциясе хәбәр иткәнчә, арт-объект сарафанга охшаган агач корылмадан гыйбарәт – ул тукымалар белән эшләнәчәк. Идея Казан апсайкл-рәссам Элина Касыймова һәм аның «Тартмада» иҗади проекты белән берлектә тормышка ашырыла.

Теләүчеләр иске тукымалар, яулыклар, урын-җир әйберләре, пледлар, күлмәкләр, бәйләнгән оекбашлар һәм бияләйләр китерә ала. Әйберләр чиста һәм яхшы хәлдә кабул ителә.

Тукымалар җыю 7 нче февральгә кадәр Җиңү проспекты, 69 адресы буенча урнашкан Горки-Әмәт урманындагы спорт базасы бинасында (көн саен), шулай ук Ипподром урамы, 14 адресы буенча урнашкан Вахитов һәм Идел буе районнары администрациясендә (дүшәмбе һәм сишәмбе 9:00 дән 18:00 гә кадәр) дәвам итәчәк.

Шулай ук укыгыз

Барлык яңалыклар