Казанлыларга Сабантуйга иң шәп сөлге бәйгесендә катнашырга тәкъдим итәләр

Казанлыларга Сабантуйга иң шәп сөлге бәйгесендә катнашырга тәкъдим итәләр

<p> <img width="870" src="https://www.kzn.ru/upload/iblock/a10/Image-52451.jpeg" height="652"><br> </p> <p> (Казан шәһәре KZN.RU, 7-нче июнь). Казанның Киров һәм Мәскәү районнары администрациясе иң шәп Казан сөлгесенә #Казанскоеполотенце бәйгесен үткәрә. Иң матур эшләнмәләр 23-нче июньдә Аккош күле территориясендә Сабантуй музеенда тәкъдим ителәчәк. </p> <p> Сөлге җыю - Сабантуй алдыннан татарларда үткәрелә торган йола. Элеккеге заманнарда яшь хатыннар, кызлар ел дәвамында сөлгеләргә бизәкләр чиккәннәр. Сөлгеләрне батырларга бүләк иткәннәр һәм ат иярләренә бәйләгәннәр. Чигүле эшләнмәләр баш батырга билгеләнгән: иң уңышлыга бүләк биреп, үзләренең изге теләкләрен теләгәннәр. </p> <p> «Бүген татар орнаменты булган чигүле сөлгеләр гаиләләрдә бу сөлгеләрне иҗат иткән ата-бабаларыбызның истәлеге буларак сакланадыр, мөгаен. Әмма бүгенге көндә дә бәйрәмгә дип сөлгеләр чигә торган гаиләләр бар», - дип аңлаттылар бәйгенең башлануын Киров һәм Мәскәү районнары администрациясе матбугат хезмәтендә. </p> <p> Конкурста катнашу өчен инстаграмга үз куллары белән чиккән сөлге фотографиясен урнаштырырга, аны тудыру тарихы турында сөйләргә һәм #КазанскоеПотенце хэштегын күрсәтергә кирәк. Иң шәп сөлгеләр 23-нче июньдә Аккош күле территориясендә Сабантуй музеенда тәкъдим ителәчәк. </p> <p> Исегезгә төшерәбез, быел Сабантуй Казанда 23-нче июньдә <a href="https://www.kzn.ru/meriya/press-tsentr/novosti/kazanskiy-sabantuy-otmetyat-na-chetyrekh-ploshchadkakh/" target="_blank">дүрт мәйданчыкта</a> узачак: Мирный бистәсендәге Каенлыкта, Дәрвишләр бистәсендә, Аккош күлендә, шулай ук «Казан» ат спорты комплексында.  </p>

2019-06-07T14:00:00+0300