В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
08.08.2019, 12:02
Казанлыларга үз ишегалларын ясарга, фотога яки видеога төшерергә тәкъдим итәләр
Катнашырга теләүчеләр үзләре өчен иң кулай номинацияне сайлый алалар.
(Казан шәһәре KZN.RU, 8-нче август). Казанлыларны «Безнең ишегалды – яхшы күршеләр территориясе» акциясенә кушылырга һәм иҗади эшләр конкурсында катнашырга чакыралар.
Катнашырга теләүчеләр үзләре өчен иң кулай номинацияне сайлый алалар. «Рәсем» номинациясендә авторларга «Безнең ишегалды: хыялдагы ишегалды» дигән темага уйланырга һәм нинди ишегалдын күрергә теләүләрен рәсемгә төшерергә тәкъдим ителә. «Фотография» номинациясе «Безнең ишегалды – яхшы күршеләр территориясе» темасы буларак яңгырый: авторга фоторәсемнәр аша ишегалды киңлегенең тышкы күренешен, күршеләрнең дустанә мөнәсәбәтен, ишегалды чараларын чагылдырырга, шулай ук ишегалдында кайсы әйберләрне яхшыртып булуын күрсәтергә тәкъдим ителә. Видеоролик авторларына түбәндәге темалар буенча социаль видео төшерергә туры киләчәк: «Безнең ишегалды: чиста ишегалды - уңайлы шәһәр», «Безнең ишегалды: яхшы ишегалды - кунакчыл шәһәр», «Безнең ишегалды: спорт ишегалды - сәламәт шәһәр», «Безнең ишегалды - яхшы күршеләр территориясе», «Безнең ишегалды: биредә танылган кеше яши».
Конкурс 1-нче сентябрьгә кадәр «Гаилә канаты астында» ТР төбәк иҗтимагый оешмасы тарафыннан үткәрелә. Иҗади эшләрне nachdvor.rt@yandex.ruэлектрон почтасына җибәрергә кирәк, дип хәбәр итә Казан шәһәренең Киров һәм Мәскәү районнары администрациясе матбугат хезмәте.
Шулай ук укыгыз
-
26.11.2025, 12:23 -
26.11.2025, 11:38 -
26.11.2025, 11:13 -
26.11.2025, 10:01