Казанлыларга «Үлемсез полк» акциясендә катнашу өчен бушлай транспарантлар әзерләргә тәкъдим итәләр

Бушлай транспарант алу мөмкинлегеннән шәһәрнең 1 мең кешесе файдалана алачак.

(Казан шәһәре KZN.RU, 15-нче апрель). Казанлыларның «Үлемсез полк» акциясендә туганының фотосурәте белән катнашу өчен бушлай транспарант ясату мөмкинлеге бар.

Фотография һәм имза 3 мм калынлыгы 30х40 см булган пластик картада 67 сантиметрлы пластик сап белән ясатылачак. Штендер ясау өчен 23-нче апрельгә кадәр, якын кешеңнең фотосына гомер елларын һәм инициалларын язып, kazan.polk2019@gmail.com электрон почтасына җибәрергә кирәк, шулай ук кире элемтә өчен телефон номерын калдыру зарур.

Җавапка катнашучы номеры күрсәтелгән хат киләчәк. Әзер транспарантны Спартак ур., 23 адресы буенча урнашкан «Төзелеш-монтаж идарәсе-88» төзелеш компаниясенең сату офисында, 6-нчы майдан 8-нче майга кадәр 10.00-19.00 сәгать аралыкларында алырга мөмкин булачак. Бушлай транспарант алу мөмкинлегеннән шәһәрнең 1 мең кешесе файдалана алачак.

Хәйрия акциясенең инициаторы - Казан шәһәре Думасы депутаты, «Төзелеш-монтаж идарәсе-88» компаниясе генераль директоры Илья Вольфсон.

Шулай ук укыгыз

Барлык яңалыклар