Казанлыларның балалар товарлары һәм ялының сыйфаты һәм иминлегенә кагылышлы сорауларына җавап бирәчәкләр

Кайнар линия телефоннары буенча Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе хезмәткәрләре консультация бирәчәк.

(Казан шәһәре KZN.RU, 15-нче май). 20-нче майдан Татарстанда балалар товарлары һәм балалар ялының сыйфаты һәм иминлеге мәсьәләләре буенча кайнар линия эшли башлаячак.

Шәһәрлеләрнең сорауларына Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР буенча идарәсе хезмәткәрләре җавап бирәчәк. Алар шәһәр халкына консультация бирәчәкләр һәм гамәлдәге норматив гигиена таләпләре турында сөйләячәкләр.

Халыктан шалтыратулар тәүлек буе эшләү режимында 8-8005554943 телефоны буенча кабул ителәчәк, көн саен 9.00 сәгатьтән 17.00 сәгатькә кадәр (843) 221-90-16 телефоны буенча (тәнәфес 12.00 сәгатьтән 13.00 сәгатькә кадәр), шулай ук 273-15-83 номеры буенча дүшәмбе – пәнҗешәмбе көннәрендә 10.00 сәгатьтән 17.00 сәгатькә кадәр, җомга көнне 10.00 сәгатьтән 15.45 сәгатькә кадәр (тәнәфес 12.00 сәгатьтән 12.45 сәгатькә кадәр) шалтыратырга мөмкин.

Шулай ук укыгыз

Барлык яңалыклар