Казанлыларга түләүсез юридик ярдәм күрсәтәчәкләр

Шәһәр халкы торак-коммуналь хуҗалык, мәгариф, сәламәтлек саклау, пенсия белән тәэмин итү һәм башка мәсьәләләр буенча белгечләр белән киңәшләшә алачак.

(Казан шәһәре KZN.RU, 18-нче февраль). 19-нчы февральдә Казанда халыкка хокукый ярдәм күрсәтү көне узачак. Шәһәр халкы торак-коммуналь хуҗалык, күчемсез милек, мәгариф, сәламәтлек саклау, хезмәт эшчәнлеге, пенсия белән тәэмин итү һәм башка мәсьәләләр буенча белгечләр белән киңәшләшә алачак.

Бушлай юридик ярдәмне Татарстан Республикасында Кеше хокуклары буенча вәкаләтле вәкил, ТР Прокуратурасы, ТР Хезмәт, мәшгульлек һәм социаль яклау министрлыгы, ТР Транспорт һәм юл хуҗалыгы министрлыгы, ТР Экология һәм табигать ресурслары министрлыгы, ТР Дәүләт торак инспекциясе, ТР буенча Россия Пенсия фонды бүлеге, ТР Адвокатлар һәм Нотариаль палаталары, ТР торак-коммуналь хуҗалык өлкәсендә иҗтимагый контроль төбәк үзәге, Казанның Шәһәр төзелеше рөхсәтләре идарәсе, Киров һәм Мәскәү районнары администрациясе вәкилләре күрсәтәчәк.

Хокукый ярдәм көне 19-нчы февраль 15.00 сәгатьтән 17.00 сәгатькә кадәр Киров районының 182-нче номерлы политехник лицеенда (Айрат Арсланов ур., 10) узачак. Телефоннар буенча алдан язылып кую сорала: +7(843)279-25-99, +7(843)279-25-02.

Чара Татарстан Республикасында Кеше хокуклары буенча вәкаләтле вәкил тарафыннан «Россия пенсионерлары берлеге» Гомумроссия иҗтимагый оешмасының Татарстан буенча төбәк бүлеге белән берлектә оештырды.

Шулай ук укыгыз

Барлык яңалыклар