Казан УНИКСы 2 февральдә үз кырындагы уеннар сериясен ача

Киләсе якшәмбедә клуб «Баскет-холл»да Мәскәү өлкәсенең «Химки» командасы белән очрашачак.

(Казан шәһәре KZN.RU, 31-нче гыйнвар). Казан УНИКСы 2-нче февральдә үз кырындагы уеннар сериясен ача. Киләсе якшәмбедә клуб «Баскет-холл»да Мәскәү өлкәсенең «Химки» командасы белән очрашачак.

ВТБ Бердәм лигасының турнир таблицасында «Химки»лылар алда бара. Алар 15 матчта 14 җиңүгә иреште һәм 29 очко туплады. УНИКС бераз калыша, ул дүртенче урында тора - команда арсеналында 14 уенда 9 җиңү һәм 23 очко.

Быелгы сериядә Казан баскетболчылары шулай ук Вильнюсның «Ритас»ы, «Цмоки-Минск» һәм Таллинның «Калев» командалары белән очрашачак.

УНИКС-«Химки» матчы 18.30 сәгатьтә башлана, дип хәбәр ителә Казан клубы сайтында.

Шулай ук укыгыз

Барлык яңалыклар