Казан укучысы Румыниядә математика олимпиадасында бронза медаль яулады

Romanian Master of Mathematics турниры дөньяның 22 иленнән яшь математикларны җыйды.

(Казан шәһәре KZN.RU, 6-нчы март). Казанның 131-нче лицее укучысы Данил Сибгатуллин математика буенча Romanian Master of Mathematics ел саен үткәрелә торган Халыкара олимпиадасының бронза медален яулады. Интеллектуаль турнир Румыниядә узды.

Олимпиадада өченче урынны алган Казан лицее укучысы белән беррәттән дөньяның 22 иленнән яшь математиклар да катнашты. Укучылар ике көн дәвамында шәхси биремнәр эшләделәр. Һәр турның һәркайсында 4,5 сәгать эчендә иҗади якын килүне таләп итә торган өч биремне чишәргә кирәк иде. Олимпиада нәтиҗәләре шәхси һәм команда зачетларында ясала.

Romanian Master of Mathematics 2008 елдан башлап ел саен Бухарестта үткәрелә. Россия укучылары өчен Romanian Master of Mathematics турниры - Халыкара математика олимпиадасына команда сайлап алу этапларының берсе. Румыниядә узган ярыш нәтиҗәләре буенча Данил Сибгатуллин Россия данын җыелма команда составында тәкъдим итү мөмкинлеге өчен көрәшне дәвам итәчәк. Хәзер ул математика буенча халыкара олимпиадага 15 кандидатның берсе, анда нибары алты кеше генә керәчәк. Быел ул Бөекбританиядә узачак, ә 2020 елда олимпиаданы Санкт-Петербург кабул итәчәк.

Әйтергә кирәк, Данил Сибгатуллин математика фәненә юнәлдерелгән лицейда укудан тыш, Казанның А.Алиш ис. Балалар иҗаты сараенда урнашкан махсус түгәрәккә йөри. Республика һәм Россия математика турнирларына аны укытучылар Алена Володина һәм Вадим Шурыгин әзерләде, дип хәбәр итә ТР Мәгариф һәм фән Министрлыгы матбугат хезмәте.

Шулай ук укыгыз

Барлык яңалыклар