Казан укучысы информатика буенча Иннополис университетының халыкара олимпиадасында беренче урынны алды

Интеллектуаль ярышларда ун илдән 245 укучы катнашты.

(Казан шәһәре KZN.RU, 27-нче февраль). Казанның КФУ каршындагы Лобачевский исемендәге лицее укучысы Илдар Гайнуллин Иннополис университетының информатика буенча Innopolis Open халыкара олимпиадасында өч абсолют җиңүченең берсе булды. Олимпиадада ун илдән 13-18 яшьлек 245 укучы катнашты.

Бер үк вакытта сынаулар Россиядә, Беларусьта, Украинада һәм Гонконгта узды. 5 сәгать дәвамында яшь программистлар 5-әр мәсьәлә чиштеләр.

Иң күп балл туплаган 57 мәктәп укучысы җиңүчеләр һәм призерлар булды. Җиңүчеләр һәм призерлар саны буенча Татарстан (39,13 %) Мәскәүдән (30,77 %) һәм Санкт-Петербургтан (17,65%) алда бара.

Innopolis Open информатика буенча I дәрәҗәдәге мәктәп укучылары олимпиадалары исемлегенә керә. Олимпиада җиңүчеләре һәм призерлары Иннополис университетына һәм Россиянең башка югары уку йортларына кергәндә өстенлеккә ия булалар, дип хәбәр итә ТР Мәгариф министрлыгының матбугат хезмәте.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар