Казан укучысы бөтенроссия геология олимпиадасында абсолют җиңүче булды

Казан укучысы бөтенроссия геология олимпиадасында абсолют җиңүче булды

<p> </p> <div class="detail-picture"> <img src="https://kzn.ru/upload/iblock/06c/06c05360e5c27152dae7f3fa888af581.jpg"> <p class="detail-picture__caption"> Фото: Мәгариф идарәсе  </p> </div> <p> (Казан шәһәре KZN.RU, 12 нче декабрь). Казанның Яңа Савин районы 179 нчы гимназиясе укучылары «Җир һәм кеше» XIV бөтенроссия ачык геология олимпиадасында призлы урыннар яуладылар. Конкурс сынаулары 8-10 нчы декабрь көннәрендә С.Орджоникидзе исемендәге Россия дәүләт геология-тикшеренү университетында узды. </p> <p> Олимпиаданың абсолют җиңүчесе унынчы сыйныф укучысы Дэвид Красоткин булды. 9 нчы һәм 10 нчы сыйныф укучылары Александр Белов һәм Кәрим Сабиров «Файдалы казылмалар» һәм «Гомуми геология» секцияләрендә беренче урыннарны алдылар, ә унынчы сыйныф укучысы Рафил Гыйльметдинов «Геоэкология» секциясендә икенче булды.  </p> <p> ТР башкаласы Башкарма комитетының Мәгариф идарәсе хәбәр иткәнчә, онлайн этапка барлыгы 500 дән артык кеше килгән, аларның 56 сы финалга чыккан. </p>

2023-12-12T13:30:21+0300