Казан укучысы чыдамлыкка узышу буенча Россия чемпионатын ачты

Катнашу мөмкинлеге «Киләчәк уеннары»нда җиңү нәтиҗәсендә туды

Казанның 3 нче гимназиясе укучысы Рәсүл Сәмигуллин Санкт-Петербургта чыдамлыкка узышу буенча Россия чемпионатын ачты. G-Drive Racing командасы пилоты Роман Русинов белән бергә ул Rossa Россия суперкарында демонстрацион түгәрәк уздырды.

Чемпионатка эләгү мөмкинлеге мәктәп укучысына Казанда «Киләчәк уеннары» ачылышы вакытында G-Drive стендында узыш симуляторында җиңү нәтиҗәсендә туды. Шуңа да карамастан, Рәсүл Сәмигуллин беренче тапкыр узыш техникасында йөреп кайтты.

«Чын узыш болидында йөрү бик текә булды, андый тизлекне, тормозда һәм борылышларда артык йөкләнешне тою кызык иде. Виртуаль узышта мондый артык йөкләнешләр юк, аның каравы күз алдында тулы бер интерфейс. Ә спорткарда бары тик һава торышы һәм узышта стратегия турында сөйләүче команда кешесе белән элемтә, пилот үзе һәм кечкенә монитор гына бар. Башка берни дә юк», – дип тәэсирләре белән уртаклашты Рәсүл Сәмигуллин.

Исегезгә төшерәбез, «Киләчәк уеннары» халыкара мультиспорт турниры Казанда 21 февральдән 3 мартка кадәр узды. Ярышларга Россия президенты Владимир Путин старт бирде. Анда 2,5 меңнән артык кеше катнашты.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар