Казанның җиденче сыйныф укучысы Гыймран Абдуллин информатика буенча республика олимпиадасының йомгаклау этабында җиңүче булды

Казанның җиденче сыйныф укучысы Гыймран Абдуллин информатика буенча республика олимпиадасының йомгаклау этабында җиңүче булды

<p> </p> <div class="detail-picture"> <img src="https://kzn.ru/upload/iblock/8c1/print_7024859_4945172.jpg"> <p class="detail-picture__caption"> Фото: ТР Мәгариф һәм фән министрлыгы матбугат хезмәте </p> </div> <p> (Казан шәһәре KZN.RU, 21-нче гыйнвар). Казан шәһәре Мәскәү районының 2-нче номерлы лицей-интернатының 7-нче сыйныф укучысы Гыймран Абдуллин информатика буенча мәктәп укучыларының республика олимпиадасының йомгаклау этабында җиңүче булды. Казан һәм Яр Чаллы шәһәрләреннән 16 укучы интеллектуаль ярыш призерлары булды. </p> <p> Олимпиада 15-19-нчы гыйнвар көннәрендә Идел буе дәүләт физик культура, спорт һәм туризм академиясендә һәм IT-лицейда узды. Анда республиканың сигез муниципаль районыннан мәктәп укучылары катнашты – муниципаль этапта тиешле күләмдә балл җыйган укучылар, шулай ук узган елгы Олимпиада җиңүчеләре һәм призерлары. </p> <p> Информатика буенча турнир ике турда узды, анда катнашучылар мәсьәләләр чиште һәм шактый катлаулы мисалларны чишүдә үз белемнәрен күрсәтте. Укучыларның эшләрен КФУның Лобачевский исемендәге Математика һәм механика институты, Исәпләү математикасы һәм мәгълүмати технологияләр институты профессорлары һәм доцентлары бәяләде. </p> <p> Шулай ук информатика буенча бөтенроссия олимпиадасының төбәк этабына йомгак ясалды. Биредә Казаннан, Югары Ослан, Түбән Кама районнарыннан 27 укучы җиңүче булды. Казан, Яр Чаллы, Әлмәт, Югары Ослан, Бөгелмә, Түбән Кама районнарыннан 46 бала призер булды. 2020-2021 уку елында информатика буенча мәктәп укучыларының бөтенроссия олимпиадасының йомгаклау этабы Мәскәүдә узачак, дип хәбәр итә ТР Мәгариф һәм фән министрлыгы матбугат хезмәте. </p> <p>   </p>

2021-01-21T10:52:31+0300