Азык-төлек җыелмаларын илтеп җиткерү буенча Казан проекты COVID-19 белән көрәштә дөньядагы иң яхшы тәҗрибәләрнең берсе дип танылды

IOPD вәкиллекле демократия артыннан халыкара күзәтү үзәге хакимият органнары һәм гражданнарның үзара хезмәттәшлеге турында сораштыруга нәтиҗә ясады.

Фото: Марат Мугинов

(Казан шәһәре KZN.RU, 23-нче декабрь). IOPD вәкиллекле демократия артыннан халыкара күзәтү үзәге коронавирус пандемиясе белән көрәштә хакимият органнары һәм гражданнарның үзара хезмәттәшлеге турындагы «Гражданнар катнашындагы иң яхшы тәҗрибә» сораштыруына нәтиҗә ясады. Аның нәтиҗәләре буенча, 1941-1945 еллардагы Бөек Ватан сугышында катнашкан өлкән яшьтәге гражданнарга, күп балалы гаиләләргә азык-төлек кәрзиннәрен китерү буенча Казан проекты иң яхшылар рәтендә билгеләп үтелде.

Җәй көне бөтен дөнья буйлап шәһәрләрдә җирле хакимият органнарының гражданнар белән СОVID-19 пандемиясе нәтиҗәләрен җиңү максатыннан ничек эш итүе турында массакүләм сораштыру үткәрелде. Казан шулай ук үзизоляция режимы гамәлдә булган вакытта шәһәр халкының тормыш шартларын яхшыртуга юнәлдерелгән тәҗрибәләр белән уртаклашты.

Шуны да билгеләп үтәргә кирәк, хисапта Казан Россиядән бердәнбер вәкил булып чыкты һәм эре дөнья башкалалары белән янәшә тора, алар арасында Париж, Берлин, Мадрид, Хельсинки, Мехико һәм башкалар бар. Барлыгы бөтен дөнья буйлап эшләтеп җибәрелгән 50-дән артык проект билгеләнде, аларның тулы исемлеге һәм эчтәлеге белән IOPD рәсми сайтында танышырга мөмкин.

IOPD вәкиллекле демократиясен күзәтүнең халыкара үзәге 14 ел дәвамында ел саен җирле хакимият органнары белән тыгыз хезмәттәшлектә проектлар булдыру һәм координацияләүгә гражданнарны җәлеп итүгә юнәлдерелгән иң яхшы халыкара инновацион тәҗрибә һәм проектларны билгеләп үтә. Бу, беренче чиратта, балалар мәгарифен үстерүгә, мигрантларга һәм халыкның социаль якланмаган катламнарына ярдәм итүгә, уртак бюджет һәм мәгълүмат технологияләренә кагылышлы проектлар, дип хәбәр итә Казанның Туризмны үстерү комитеты.

Шулай ук укыгыз

Барлык яңалыклар