Казанның почта логистика үзәге якынча 12 млн кешегә хезмәт күрсәтә

Казанның почта логистика үзәге якынча 12 млн кешегә хезмәт күрсәтә

<p> (Казан шәһәре KZN.RU, 30-нчы гыйнвар). Бүген, 30 гыйнвар көнне, “Казан” Халыкара аэропорты территориясендә Россия почтасының Логистика үзәге сәнәгый эксплуатациягә тапшырылды. Ул Россиянең 6 төбәгенең 3,5 мең бүлегенә хезмәт күрсәтә. </p> <p> Үзәк 2017 елда Россия эчендә йөри торган почтаны эшкәртү өчен ачылды, ә 2018 ел башыннан анда РФ Федераль таможня хезмәте белән берлектә халыкара почтаны эшкәртү оештырылды. Казан почта логистик үзәге җайланмалары тәүлеккә 1 млн почтаны эшкәртү өчен яраклаштырылган. Хәзер үзәктә 700-гә якын кеше эшли, киләчәктә штат 1,5 мең эшчегә кадәр арттырылачак. Казан почта логистика үзәге Татарстан, Марий Эл, Чувашия, Удмуртия, Самара һәм Ульяновск өлкәләреннән 12 миллионга якын кешегә хезмәт күрсәтә. </p> <p> “Аэропортыбызга өстәмә йөкләмә, өстәмә эш урыннары, ә иң мөһиме – республикада яшәүчеләргә күрсәтеләчәк сыйфатлы сервис, - диде ТР Президенты Рөстәм Миңнеханов ачылу тантанасында. – Дөньяда нинди процесслар барганын беләбез. Аерым алганда, динамикалы рәвештә электрон сәүдә итү өлкәсе үсә. Россия Почтасыннан кала беркем дә әлеге эше башкарып чыга алмаячак”. </p> <p> Чарада шулай ук РФ элемтә һәм масскүләм коммуникацияләр министры Николай Никифоров, РФ Федераль таможня хезмәте җитәкчесенең беренче урынбасары Руслан Давыдов, ТР вице-премьеры – ТР мәгълүматлаштыру һәм элемтә министры Роман Шәйхетдинов, “Россия Почтасы” генераль директоры Николай Подгузов катнашты. Алар бүген Ханчжоу шәһәреннән (Кытай, Чжэцзян провинциясе) Казанга килгән Ту-204С очкычыннан посылкаларны бушатуны күзәттеләр, дип хәбәр итә ТР президенты матбугат хезмәте. </p>

2018-01-30T12:10:58+0300