Яңалыклар
08.04.2019, 11:37
Казан Социалистик көнкүреш музее Төркиядә ТАССР турында күргәзмә тәкъдим итте
Җәй көне экспозицияне Мәскәү халкы һәм кунаклары күрә алачак.
(Казан шәһәре KZN.RU, 8-нче апрель). Казан Социалистик көнкүреш музее Төркия Аланиясендәге ислам бизнесы халыкара ассоциациясе оештырган «Бизнес алга китеше» форумында «Безне Татарстан берләштерәде» дигән күргәзмә тәкъдим итте.
Экспозиция ТАССР оешуга 100 ел тулуга багышлана. Җәй көне ул Мәскәүдә киң күләмле күргәзмә рәвешендә тәкъдим ителәчәк. Экспонатлар арасында - узган гасырның 70-80-нче елларында җитештерелгән республика сәнәгать продуктлары. Шулай итеп, күргәзмә кунаклары Төркиядә татар темасына төрле сюжетлар белән көнкүреш поднослары коллекциясен, шулай ук совет чорында нәшер ителгән журналлар, китаплар, шул исәптән милли ризыклар һәм чит ил кешеләре өчен татар телен мөстәкыйль өйрәнү әсбапларын да күрделәр. Экспозиция «Тасма»заводы кәтүкләре һәм «Полимерфото» заводы җитештергән кассеталарда уйнаган музыка белән үрелеп бара.
Форум кысаларында Казан Социалистик көнкүреш музее тагын өч күргәзмә күрсәтергә планлаштыра: «Безнең кино», «Россия-Төркия сәүдә–икътисадый мөнәсәбәтләре тарихы. Вак сәүдәгәрләр» һәм «Безнең балачак футболы». Моннан тыш, форум эшенең соңгы көнендә катнашучылар «Чемодандагы хисләр» музей Stand-upын күрәчәкләр, дип хәбәр иттеләр музейда.
Шулай ук укыгыз
-
30.04.2025, 15:45 -
30.04.2025, 14:03 -
30.04.2025, 09:14 -
29.04.2025, 17:56
