Казан метрополитенын илдә иң куркынычсыз метрополитеннарның берсе дип таныдылар

Казан метрополитенын илдә иң куркынычсыз метрополитеннарның берсе дип таныдылар

<p> Казан метрополитены «Куркынычсызлык таләпләрен гамәлгә ашырган иң яхшы транспорт инфраструктурасы субъекты» номинациясендә беренче урынны алды. «Россиянең транспорт куркынычсызлыгы – 2024» илкүләм премиясе лауреатларын бүләкләү Мәскәүдә фәнни-гамәли конференция барышында узды, анда Казан белгечләре катнашты. </p> <p> «Метроэлектротранс» МУП инспекторы Надежда Герасимова «Транспорт куркынычсызлыгын тәэмин итү өлкәсендә чаралар системасын гамәлгә ашыруга шәхси өлеш керткәне өчен» номинациясендә лауреат булды. Бүләкләр шулай ук транспорт куркынычсызлыгы бүлеге рәисе Сергей Коровинга тапшырылды. </p> <p> Чараны оештыручылар – «Транспорт куркынычсызлыгы» ассоциациясе Россия Транспорт министрлыгы ярдәмендә транспорт өлкәсендә күзәтчелек буенча федераль хезмәт белән берлектә Казан предприятиесенә югары бәя бирделәр. </p> <p> Татарстан рәисе Рөстәм Миңнеханов ярдәме белән узган елда шәһәр метрополитенының барлык станцияләре сертификацияләнгән тикшерү чаралары белән җиһазландырылган иде, бу террорчылыкка каршы саклануны сизелерлек арттырырга мөмкинлек бирде. «Бу – куркынычсызлыкны тәэмин итүнең катгый таләпләренә тулаем туры килә торган иң заманча җиһаз», – дип хәбәр итте «Метроэлектротранс» МУП. </p> <p>   </p>

2024-11-18T13:36:00+0300