Казан марафоны-2020дә якынча 11 мең кеше йөгерәчәк

Казан марафоны-2020дә якынча 11 мең кеше йөгерәчәк

<p> </p> <div class="detail-picture"> <img src="https://www.kzn.ru/upload/iblock/224/MMB_3292.jpg"> <p class="detail-picture__caption"> Фото: Марат Мугинов </p> </div> <span style="color: #3d3d3d;">(Казан шәһәре KZN.RU, 30-нчы сентябрь). Казан марафоны-2020дә якынча 11 мең кеше йөгерәчәк. Массакүләм йөгерү 10-нчы һәм 11-нче октябрьдә узачак. Анда шәһәрлеләр белән бергә дәүләт эшлеклеләре, Россия шоу-бизнесы йолдызлары, танылган спортчылар катнашачак.</span> <p> <span style="color: #3d3d3d;">Традиция буенча марафонда катнашучылар түбәндәге дистанцияләрнең берсен йөгереп узачаклар: 3 чакрым, 10 чакрым, 21,1 чакрым һәм 42,2 чакрым. Маршрут шәһәрнең әһәмиятле урыннары: Казан Үзәк стадионы, Кабан күле яр буе, Меңьеллык паркы һәм Кремль аша узачак. Кечкенә атлетлар өчен 600 метрга аерым Timerkids йөгерешен һәм «Нәниләр йөгерү»ен үткәрү планлаштырыла.</span> </p> <p> <span style="color: #3d3d3d;">Быел марафонда Казахстан Милли паралимпия комитеты башлыгы Кайрат Боранбаев, футбол буенча Россия җыелма командасының экс-капитаны, карьерасы тәмамлангач, озын дистанцияләргә йөгерү фанаты булган һәм дөньяның күп кенә марафоннарында катнашкан Алексей Смертин, Татарстан җиңел атлеты, төрле дәрәҗәдәге ярышлар чемпионы һәм призеры Ринас Әхмәдиев һәм башкалар катнашачак.</span> </p> <p> <span style="color: #3d3d3d;">Чарада Кулланучылар хокукларын яклау һәм кеше иминлеге өлкәсендә күзәтчелек федераль хезмәте тәкъдимнәре катгый үтәләчәк, дип хәбәр итә ТР Спорт министрлыгы матбугат хезмәте.</span> </p> <p> <span style="color: #3d3d3d;">Сатылган слотлардан кергән акчаларның бер өлеше «Рональд Макдональд йорты» - балалар республика клиник хастаханәсендә озак дәваланучы гаиләләр өчен бушлай гаилә кунакханәсенә ярдәм итүгә юнәлтеләчәк.</span> </p>

2020-09-30T13:33:59+0300