Казанның 146-нчы номерлы лицее «Уңышлы мәктәп» IV Бөтенроссия конкурсының бронза призеры булды

Казанның 146-нчы номерлы лицее «Уңышлы мәктәп» IV Бөтенроссия конкурсының бронза призеры булды

<p> <img width="870" src="https://www.kzn.ru/upload/iblock/f75/870.jpg" height="653"><br> </p> <p> (Казан шәһәре KZN.RU, 28-нче февраль). Казанның Яңа Савин районының 146-нчы номерлы лицее «Уңышлы мәктәп» IV Бөтенроссия конкурсының бронза призеры булды. </p> <p> Сайлап алу турлары нәтиҗәләре буенча илнең 16 белем бирү учреждениесе конкурсның финалистлары булды. Конкурста Казанны Яңа Савин районының 146-нчы номерлы лицее һәм Идел буе районының 78-нче номерлы лицее тәкъдим итте. </p> <p> Конкурсантлар өчен сынаулар өч көн дәвам итте һәм үз эченә төрле авырлыктагы биремнәрне алды. Мәсәлән, уңышлы тормышка ашырылган методикаларны, технологияләрне һәм белем бирү процессының модельләрен тәкъдим итәргә, киләчәкнең уңышлы мәктәбе образын проектларга кирәк иде. </p> <p> 146-нчы номерлы лицей директоры Диләрә Кәримова сөйләгәнчә, конкурста катнашучылардан креатив якын килү һәм дөньякүләм белем бирү трендларыннан хәбәрдар булу таләп ителә. «Сынаулар иртәдән кичкә кадәр дәвам итте - барлык биремнәр дә катлаулы, әмма шул ук вакытта кызыклы булды. Без үзебезнең бай белем бирү тәҗрибәсен тәкъдим иттек, илнең башка уку йортларының ничек эшләвен күрдек, кайбер эшләнмәләрне үз эшебездә дә кулланачакбыз», - дип сөйләде ул. </p> <p> Конкурста җиңгән 146-нчы номерлы лицей 500 мең сум күләмендәге грантка ия булды, дип хәбәр итә Мәгариф идарәсе. </p>

2020-02-28T14:31:07+0300