В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
09.10.2023, 16:26
Казан Кремле Россиянең иң популяр истәлекле урыннары унлыгына керде
Сораштырылган туристларның яртысы диярлек ТР башкаласының музей-тыюлыгында булган
Фото: Денис Гордийко
(Казан шәһәре KZN.RU, 9 нчы октябрь). Казан Кремле Россиянең иң популяр истәлекле урыннары унлыгына керде. Тикшеренүдә 1900 кеше катнашты, шуларның 48% ы ТР башкаласының музей-тыюлыгында булган. Бу хакта «РИА Новости» хәбәр итә.
Илнең иң күп кеше йөргән истәлекле урыны Кызыл мәйдан була. Аны сораштырылган туристларның 89% ы караган. Рейтингның икенче һәм өченче урыннарында Санкт-Петербургның Исаакиев соборы (86%) һәм Эрмитажы (81%) урнашкан. Респондентларның 80% ы Петергофта булган, тагын 66% туристларны Третьяков галереясы җәлеп иткән. Алтынчы урынны Казан Кремле алды, аннан соң Изге Троица Сергиев Лаврасы (37%) килә. Байкал һәм Кижины сораштырылучыларның 14% ы күргән, Соловецкий утрауларын – 6%.
Исегезгә төшерәбез, 2023 елның сигез аенда Казанга 2,8 млн кеше килгән. Узган ел белән чагыштырганда, күрсәткеч якынча 300 меңгә арткан. Сәяхәтчеләр ТР башкаласында 16,7 млрд сум сарыф иткән. Бу күрсәткеч узган ел белән чагыштырганда 59% ка күбрәк. Бу сумманың 24% ы – җәмәгать туклануы учреждениеләренә, 22% ы – азык-төлек кибетләренә, 21% ы күңел ачу һәм урнаштыру чараларына туры килә.
Шулай ук укыгыз
-
11.09.2025, 11:21 -
11.09.2025, 09:22 -
10.09.2025, 17:36 -
10.09.2025, 16:18