Казанның сәламәтлек мөмкинлекләре чикләнгән балалар тәрбияләүче әниләр өчен булган «Я есть счастье» клубы Яшел Үзәндә ачылды

Клубта әниләр яңа һөнәр үзләштерә, волонтер була һәм кирәкле ярдәм ала ала

Казанның сәламәтлек мөмкинлекләре чикләнгән балалар тәрбияләүче әниләр өчен булган «Я есть счастье» клубы чикләрен киңәйтә. Кичә клуб Яшел Үзәндә ачылды. Проект әниләргә кирәкле ярдәм күрсәтә, аларга үзләрендә көчле якларын табарга һәм үстерергә, ял итүләрен оештырырга ярдәм итә. Яшел Үзәндә клуб Королев ур., 17 адресы буенча урнашкан Мәдәни үсеш үзәгендә урнашачак.

Хәзерге вакытта Яшел Үзәндә сәламәтлек мөмкинлекләре чикләнгән балалар тәрбияләүче 100 гә якын һәм Яшел Үзән районында 50 гә якын гаилә бар. Яшел Үзән Татарстан республикасында Казанның әниләр берләшмәсе клуб оештырган беренче район булды. Ачылышта 15 ата-ана катнашты, аларның икесе Васильево шәһәр тибындагы бистәсеннән килгән иде.

«Я есть счастье» клубы Казанда узган ел барлыкка килде. Ул Себер тракты, 28 адресы буенча урнашкан. Бу вакыт эчендә Казанның 50 гә якын хатын-кызы төрле яклап ярдәм алды. Проект шәхси затлардан һәм оешмалардан иганәләр җыю, волонтерлык ярдәме, социаль оешмалар белән партнерлык аша тормышка ашырыла.

«Клубның төп бурычы – кешене үз тормышы өчен җаваплы итү. Син хатын-кыз, ә аннары гына әни һәм хатын икәнлекне искә төшерү», – дип билгеләп үтә клубны оештыручы, үзенчәлекле баланың әнисе Далия Гайнанова.

Клубта хатын-кызлар китаплар укый, фильмнар карый, психологлар һәм бизнес-тренерлар белән эшли, сулыш алу практикасы белән шөгыльләнә, волонтерлар була, шәһәргә ярдәм итә һәм башка бик күп нәрсәләр белән шөгыльләнә.

Әниләр буш вакытларын үткәргәндә, балалар махсус балалар бүлмәләрендә була. Алар белән волонтерлар – медицина һәм психология университетлары студентлары шөгыльләнә. Яшел Үзәндәге яңа клубта волонтерлык эшенә өлкән яшьтәге кешеләрне җәлеп итү планлаштырыла.

Далия Гайнанова сүзләренчә, сәламәтлек мөмкинлекләре чикләнгән балалар тәрбияләүче башка төбәкләрдә яшәүче әниләрдән күп сораулар килә. Киләчәктә клубларны бөтен Татарстан буенча, шулай ук Мәскәү һәм Санкт-Петербургта ачарга планлаштыралар.

«Без әниләрнең фикерләве уңай якка үзгәрүен, андый бала белән әни кешенең паникалы кәефкә бирелмәвен һәм андый бала белән яшәргә мөмкин булуын аңлавын телибез», – дип билгеләде Далия Гайнанова.

«Я есть счастье» берләшмәсе республиканың барлык районнарындагы хәйрия оешмалары белән хезмәттәшлек итә. Киләчәктә берләшмәнең сайтын булдыру планлаштырыла, аның ярдәмендә сәламәтлек мөмкинлекләре чикләнгән балаларның әниләре клубка керә алачак. Берләшмәнең эше турында тулырак мәгълүматны сылтама буенча белергә мөмкин.

Шулай ук укыгыз

Барлык яңалыклар