Казан гимнасты халыкара ярышларда алтын һәм бронза медальләр алды

Матвей Занин команда беренчелегендә чыгыш ясаган һәм ирекле күнегүләр башкарган

Фото: Россиянең спорт гимнастикасы федерациясе

(Казан шәһәре KZN.RU, 28 нче ноябрь). Казан спортчысы Матвей Занин «Россия – Кытай» спорт гимнастикасы буенча халыкара ярышларда җиңүче һәм призер булды. Ярышлар ТР башкаласында 22-25 нче ноябрьдә узды. Турнирда 14 комплект бүләк уйнатылды.

Ирекле күнегүләр Матвейга бронза медаль, ә команда беренчелегендә катнашу алтын медаль китергән. Гомумән алганда, Россия гимнастлары ике коллектив турнирда да җиңү яулаган.

Казанда Матвей Занин Радик Курмангалин һәм Мария Синцова җитәкчелегендә «Первая» олимпия резервы спорт мәктәбендә шөгыльләнә, дип хәбәр иттеләр шәһәрнең Физик культура һәм спорт комитетында.

Шулай ук укыгыз

Барлык яңалыклар