Казан «Библиобус»ы март аенда Ветераннар йортына, Самосырово һәм Вознесение бистәләренә киләчәк

Мобиль китапханә комплексы 1,5 меңгә кадәр китапны, шул исәптән балалар китапларын сыйдыра ала.

(Казан шәһәре KZN.RU, 26-нчы февраль). Казанның «Библиобус» мобиль китапханә комплексы үз эшен март аенда дәвам итәчәк. Ул гадәттәгечә Ветераннар йортына, шулай ук Самосыр һәм Вознесение бистәләренә киләчәк.

Вознесение бистәсендәге Нардуган урамы буенча урнашкан 45-нче номерлы йортта «Библиобус» 5-нче һәм 19-нчы мартта 15.00 сәгатьтә тукталачак. 9-нчы һәм 23-нче мартта 13.00 сәгатьтә ул Дубравная ур., 35 адресы буенча урнашкан Ветераннар йортына киләчәк. Самосырово бистәсендә мобиль китапханә комплексын 12-нче һәм 26-нчы мартта 14.00 сәгатьтә көтәләр.

Исегезгә төшерәбез, мобиль китапханә комплексы шәһәрнең ерактагы бистәләренә һәм Ветераннар йортына хезмәт күрсәтә. ГАЗ-2705 автомобиленә 1,5 меңгә кадәр китап сыя. Моннан тыш, комплекс стационар китапханәләр фондларын яңартуда һәм китап укучылар соравы буенча басмалар китерүдә ярдәм итә, дип хәбәр иттеләр «Казанның үзәкләштерелгән китапханәләр системасы» муниципаль бюджет мәдәният учреждениесендә.

Шулай ук укыгыз

Барлык яңалыклар