Казан аэропорты ел башыннан бирле 2 миллионнан артык пассажирга хезмәт күрсәткән

Казан аэропорты ел башыннан бирле 2 миллионнан артык пассажирга хезмәт күрсәткән

<p> <img width="870" src="https://www.kzn.ru/upload/iblock/dc1/IMG_2212.JPG" height="652"><br> </p> <p> (Казан шәһәре KZN.RU, 9-нчы август). Казан халыкара аэропорты ел башыннан бирле 2 миллионнан артык пассажирга хезмәт күрсәткән. Бу күрсәткечкә, узган ел белән чагыштырганда, 11 көнгә иртәрәк ирешелгән. 2018 елның шул ук чорына карата очышлар саны артуы якынча 7% тәшкил итә. </p> <p> Узган ел үзенең ике миллионлы пассажирын аэропорт 19-нчы августта каршы алды, бу ул вакытта Татарстан Гражданнар авиациясе өчен тарихи рекорд булды. Быел да рекорд куелды. Узган елның шул ук чоры белән чагыштырганда, үсеш якынча 7% тәшкил итә. </p> <p> Эчке юнәлешләрдә 1 млн 278 мең пассажирга, халыкара юнәлешләрдә 727 мең пассажирга хезмәт күрсәтелгән. Ноябрьдә 3 миллион пассажир күрсәткеченә чыгу планлаштырыла. </p> <p> Күпчелек юнәлешләр буенча күрсәткечләрнең үсеше күзәтелә. Мәскәү һәм Санкт-Петербургтан тыш, Анталья, Стамбул, Даламан, Дубай, Прага, Пхукет, Тбилиси, Баку, шулай ук Сочи һәм Симферополь кебек туристик юнәлешләр популяр булды, дип хәбәр итә аэропортның матбугат хезмәте. </p>

2019-08-09T11:31:54+0300