Казан аэропорты җәйге авиа-фотоауга чакыра

Оештыручылар катнашу өчен гаризаларны 16 нчы августка кадәр кабул итә

Фото: Екатерина Красуцкая

(Казан шәһәре KZN.RU, 10 нчы август). «Казан» халыкара аэропорты җәйге авиа-фотоауга чакыра. Ул 18 нче августта Россия Һава Флоты көне хөрмәтенә узачак.

Чара 16:00 сәгатьтән 21:00 сәгатькә кадәр узачак, гаризалар 18 яшьтән өлкәнрәк гражданнардан 16 нчы августның 9:00 сәгатенә кадәр pr@airportkzn.ru электрон почтасына кабул ителә (хат темасында «споттингка гариза» дип билгеләргә онытмагыз).

Заявкада паспорт мәгълүматларын – тулы исем, туган елны һәм урынны, паспорт мәгълүматларын, прописка (пропускны рәсмиләштерү өчен мәгълүмат кирәк), фотоаппаратлар исемлеген, социаль челтәрләрдәге, блоглардагы аккаунтларга сылтамаларны, контакт мәгълүматларын (e-mail, телефон), парковка кирәк булганда автомобильнең маркасын һәм номер билгесен күрсәтергә кирәк.

Һәр катнашучыга үзе белән РФ гражданы паспорты алырга кирәк. Оештыручылардан 17 нче августның 10:00 сәгатенә кадәр җибәреләчәк җавап хаты сезнең катнашуыгызны раслаячак (башка төбәкләрдә яшәүчеләр өчен раслау иртәрәк киләчәк), дип җиткерләрде аэропортның матбугат хезмәтендә.

Урыннар саны чикләнгән, оештыручылар сәбәпләрен аңлатмыйча дәгъвачыларның гаризаларын кире кага ала, шулай ук гаризаны дөрес рәсмиләштермәгән очракта да теләк белдерүчеләр чарага кертелмәскә мөмкин.

Шулай ук укыгыз

Барлык яңалыклар