Казан ветераннарына юридик ярдәм күрсәтәчәкләр

Шәһәр халкыннан сораулар электрон рәвештә кабул ителә.

Фото: Казан шәһәре KZN.RU

(Казан шәһәре KZN.RU, 20-нче апрель). Бөек Ватан сугышында Җиңүнең 76 еллыгын бәйрәм итү алдыннан Татарстанда ветераннарга, хәрби хәрәкәтләрдә катнашучыларга һәм аларның гаилә әгъзаларына республиканың муниципаль районнарында һәм шәһәр округларында бушлай юридик ярдәм күрсәтеләчәк.

Казан халкына сорауларны алдан ук түбәндәге электрон почта тартмасына җибәрергә кирәк: Vera.Garshina@tatar.ru. Кергән сорауларның тематикасына карап, ТР Юстиция министрлыгы хезмәткәрләре тиешле министрлыклар һәм ведомстволар белгечләрен чакырачаклар. 29-нчы апрельдә видеоконференцэлемтә режимында алар шәһәр халкының сорауларына җавап бирәчәкләр, дип хәбәр иттеләр ТР Юстиция министрлыгында.

Шулай ук укыгыз

Барлык яңалыклар