В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Яңалыклар
07.04.2023, 16:51
Казан үзмәшгульләренә сәүдә үзәкләренең берсендә продукция тәкъдим итү өчен бушлай урыннар биреләчәк
Ярминкәләр 17 нче апрельдән 7 нче майга кадәр узачак.
Фото: Денис Гордийко
(Казан шәһәре KZN.RU, 7 нче апрель). 17 нче апрельдән 7 нче майга кадәр Казанның сәүдә үзәкләренең берсендә үзмәшгульләр продукциясе ярминкәләре узачак. Теләге булганнарга бушлай җиһазландырылган сәүдә урыннары биреләчәк.
Үзмәшгульләр үзләре җитештергән товарларны – азык-төлек, агач һәм күн әйберләр, фарфор савыт-саба, дизайнер бизәнү әйберләре, фермер продукциясе, уенчыклар, өй өчен декор әйберләре һәм башка күп нәрсәләр тәкъдим итә алачак.
Катнашу өчен гаризалар МСП.РФ цифрлы платформасында кабул ителә. Тулырак мәгълүматны «Минем бизнес» үзәге телефоны аша белергә мөмкин: +7(843)524-90-90. «Кече һәм урта эшкуарлык» илүләм проекты кысаларында Җиңү проспекты, 141 адресы буенча бушлай сәүдә урыннары биреләчәк, дип хәбәр итә ТР Икътисад министрлыгының матбугат хезмәте.
Ведомство мәгълүматлары буенча, 2022 елда республиканың үзмәшгульләре мондый ярминкәләрдә 24 млн сумнан артык акча эшли алган. Сәүдә 1 меңнән артык кеше катнашында узган.
Шулай ук укыгыз
-
26.11.2025, 12:23 -
26.11.2025, 11:38 -
26.11.2025, 11:13 -
26.11.2025, 10:01