Казанның муниципаль унитар предприятиеләренә 173 махсус техника йөртүче һәм 64 юл эшчесе кирәк

Казанның муниципаль унитар предприятиеләренә 173 махсус техника йөртүче һәм 64 юл эшчесе кирәк

<p> Татарстан башкаласында урам-юл челтәрен төзекләндерү һәм карап тоту объектларында 489 машина йөртүче һәм механизатор, 551 юл эшчесе эшли, шул ук вакытта кадрларга ихтыяҗ кытлыгы сизелә. Казанның муниципаль предприятиеләренә һәм подряд оешмаларына тагын 173 махсус техника йөртүче һәм 64 юл эшчесе кирәк, дип хәбәр итә Тышкы төзекләндерү комитеты. </p> <p> «Горводзеленхоз» тресты муниципаль унитар предприятиесе 90 меңнән башлап 130 мең сумга кадәр хезмәт хакы тәкъдим итеп бер юнәлеш буенча 10 кеше – КАМАЗ автомобилен йөртүчеләрне, шундый хезмәт хакы белән трактор һәм МКСМ маркалы кече төягеч машина йөртүчеләрне җыя. Шулай ук предприятиегә җәен су сибү техникасында эшләүче, ә кышын кар себерә торган КДМ машиналарын йөртүчеләр дә кирәк – аларга 100-150 мең сум хезмәт хакы тәкъдим итәләр. Моннан тыш, 65 мең сумнан башлап 100 мең сумга кадәр хезмәт хакына участок мастерлары, 60 мең сумнан башлап 80 мең сумга кадәр хезмәт хакына балта осталары кирәк. Шулай ук төнге диспетчер вакансияләре ачылган – аларга оешма 51 400 дән башлап 67 800 сум күләмендә хезмәт хакы тәкъдим итә. Шартлар турында тулырак мәгълүматны +7(843)292-51-95 телефон номерына шалтыратып белергә була. </p> <p> «Шәһәр күперләре» муниципаль унитар предприятиесе юл эшчеләрен, КДМ машинистларын, кече төягеч һәм трактор, самосвал йөртүчеләрне, диспетчерларны һәм йөк төяүчеләрне чакыра. Эш урыннары буенча тулырак мәгълүмат алу өчен +7(843)295-77-44 телефон номерына шалтыратырга кирәк. </p> <p> «Киров районының юлларны төзекләндерү-эксплуатацияләү идарәсе» муниципаль унитар предприятиесе юл эшчеләрен, грейдер тракторын, йөк төягеч машина, ротор һәм трактор, самосвал йөртүчеләрне, диспетчерларны, автослесарьларны, механикларны, шулай ук манипулятор йөртүчеләрне җыя. Эшкә урнашу мәсьәләләре буенча +7(843)554-33-50 телефон номеры аша мөрәҗәгать итәргә була. </p> <p> Кандидатларга рәсми эшкә урнашу мөмкинлеге һәм социаль гарантияләр тәкъдим ителә. </p> <p> Исегезгә төшерәбез, 15 октябрьдән Казанның юл хезмәтләре кышкы режимда эшли башлады. Кышкы чорда шәһәр урамнарында юлларны кардан чистарту буенча 577 берәмлек махсус техника эшләячәк. </p>

2025-10-30T15:57:01+0300