Казанның «тормыш сөючеләр»ен зумба һәм сальса биергә өйрәтәчәкләр

Тренировкалар сентябрьдә Сәетгалиев исемендәге һәм «Крылья советов» паркларында үтәчәк

Фото: Марат Мөгыйнов

(Казан шәһәре KZN.RU, 5 нче сентябрь). Сентябрьдә Казан паркларында «тормыш сөючеләр» өчен бию дәресләре узачак. Тренировкалар программасын өлкән буын вәкилләре өчен махсус эшләделәр, дип хәбәр иттеләр Казанның парклар һәм скверлар дирекциясендә.

Өлкән яшьтәге казанлылар Zumba Gold юнәлеше буенча дәресләргә йөри алачак. Бию программасы Латин Америкасы биюләре, фитнес һәм аэробика элементларын берләштерә. Ритмик музыка һәм хореография «тормыш сөючеләр»гә координацияне, сыгылмалылыкны һәм чыдамлыкны яхшыртырга ярдәм итәчәк. Тренировкаларны Zumba Gold программасының лицензияле инструкторы Ирина Гутник үткәрәчәк.

Сәетгалиев исемендәге мәдәният йорты янындагы парк сәхнәсе янында дәресләр 5 нче, 12 нче, 19 нчы һәм 26 нчы сентябрьдә узачак. ТР төзелеш тармагы оешуның 100 еллыгы скверында, фонтан янында, шәһәр халкын 6 нчы, 13 нче, 20 нче һәм 27 нче сентябрьдә көтәчәкләр.

«Крылья Советов» паркында Salsation юнәлеше буенча күнегүләр оештырыла. Бию фитнесс-программасы функциональ тренингны күздә тота. Дәресләрне сертификатланган инструктор Дилара Громова үткәрәчәк. Тренировкалар 7 нче, 14 нче, 21 нче һәм 28 нче сентябрьдә бию мәйданчыгында узачак.

Дәресләр 17:00 сәгатьтә башлана, керү ирекле. Оештыручылар күнегүләргә уңайлы спорт киемнәрендә килергә киңәш итә.

Исегезгә төшерәбез, сентябрьдә «тормыш сөючеләр» өчен шулай ук финанс грамоталылыгы буенча дәресләр һәм шахмат турнирлары үткәреләчәк.

«Яшәү яме» проекты шәһәр Мэриясе тарафыннан җиде ел дәвамында гамәлгә ашырыла. Ел саен бушлай дәресләргә 100 меңләп пенсионер йөри. Шәһәр Мэры Илсур Метшин карары буенча яңа сезонда өлкән яшьтәге шәһәрлеләр өчен дәресләр 91 локациядә узачак, октябрь башында «Озын гомер уеннары» узачак, ә «Ышаныч» үзәге психологлары пенсионерларга консультацияләр бирә башлаячак.

Шулай ук укыгыз

Барлык яңалыклар