Казан үзмәшгульләрен фотога төшерү нигезләренә өйрәтәчәкләр

Мастер-класс 19-нчы августта онлайн һәм офлайн-форматларда узачак.

Фото: Марат Мугинов

(Казан шәһәре KZN.RU, 18-нче август). Татарстан үзмәшгульләре уңышлы бизнес алып бару өчен фотога төшерү нигезләренә өйрәнә алачак. Онлайн һәм офлайн-форматларда мастер-класс 19-нчы августта узачак.

Чарада катнашучылар бизнес-портретларны ничек төшерергә, фотода продуктны ничек күрсәтү (тенденцияләр һәм хаталар), кызыклы һәм төрле сторисларны ничек төшерергә, яхшы контент-мейкерны ничек табарга һәм төшерүнең сыйфаты нинди параметрлар буенча бәяләнә, шулай ук уңышлы ракурсны ничек сайларга икәнен беләчәкләр.

Мастер-классны фотограф, видеограф, режиссер һәм эшмәкәр Тимур Шәйхетдинов үткәрәчәк. Үз-үзләренә эшләүчеләр өчен бушлай укыту 10:00 сәгатьтә «Эшмәкәр йортында» Петербург ур., 28 адресы буенча узачак. Шулай ук Татарстан Республикасы эшмәкәрлекне яклау фондының YouTube-каналында да трансляция булачак. Катнашу өчен үзмәшгуль буларак теркәлгән булырга һәм сылтама буенча гариза бирергә кирәк. Чара «Кече һәм урта эшмәкәрлек һәм шәхси эшкуарлыкка ярдәм» милли проекты кысаларында уздырыла.

ТР Икътисад министрлыгы матбугат хезмәте хәбәр иткәнчә, бүгенге көндә республикада 134,5 меңнән артык үзмәшгуль теркәлгән.

Шулай ук укыгыз

Барлык яңалыклар