Казан балаларын «Шахмат дөньясында» интерактив уенына чакыралар

Казан балаларын «Шахмат дөньясында» интерактив уенына чакыралар

<p> <img width="870" src="https://www.kzn.ru/upload/iblock/42c/DEN_1911.jpg" height="653"><br> </p> <p> (Казан шәһәре KZN.RU, 18-нче октябрь). 22-нче октябрьдә Казанда күп балалы гаиләләрдәге балалар өчен «Шахмат дөньясында» интеллектуаль уены узачак. «Шахмат патшалыгында ыгы-зыгы» актив уен программасында катнашучылар шахмат патшабикәсенә төрле җиргә таралган сыннарны үз урыннарына куярга ярдәм итәчәк. </p> <p> Шулай ук балаларга Патшабикәдән катлаулы табышмакларны чишәргә һәм патшалыктагы ыгы-зыгының сәбәбен ачыкларга кирәк булачак. Бүләк итеп ул балаларга шахмат дөньясы серләрен ачачак, яшерен алымнарга, бергәләп авырлыкларны җиңәргә, шахмат патшалыгының дәртле биюен биергә һәм башка бик күп нәрсәләргә өйрәтәчәк. </p> <p> «Игелекле эшләр көне» хәйрия фонды тарафыннан үткәрелә торган уенга алты яшьтән узган барлык балалар да кушыла ала. Катнашу өчен (843) 236-65-61 телефоны буенча теркәлергә мөмкин, дип хәбәр итә фондның матбугат хезмәте. </p>

2019-10-18T09:21:34+0300